Од неговото деби „Greetings from Asbury Park, N.J. (1973), Спрингстин има продадено околу 140 милиони албуми ширум светот.
Американската рок легенда Брус Спрингстин влезе во клубот на музичари чие богатство надминува една милијарда долари, придружувајќи им се на Ријана, Џеј Зи и Тејлор Свифт, процени бизнис магазинот Форбс.
Роден во работничка населба во Њу Џерси, гласот на Американската работничка класа и работохолик, „гитарскиот херој“ „собрал значително богатство“ во текот на децениите, според Форбс, кој го проценува неговото богатство на 1,1 милијарда долари.
Од дебито „Greetings from Asbury Park, N.J.(1973), продал околу 140 милиони албуми ширум светот, а неговите мемоари беа бестселери во книжарниците. Доби 20 Греми и Оскар за хитот „Streets of Philadelphia”“ (1994).
Пејачот на познатиот хит „Born in the USA“ и „Dancing in the Dark“ успеа да го зголеми своето богатство и во 2021 година, кога ги продаде правата на Sony за околу 500 милиони долари, набргу по низата распродадени настапи на Бродвеј.
Верен на неговата оригинална група, E Street Band, Спрингстин моментално ја продолжува светската турнеја што треба да трае до 2025 година.
Во текот на кариерата ги почести своите обожаватели со долги концерти, а најдолгиот, кој траеше повеќе од четири часа, се одржа во Хелсинки во 2012 година.
Неговиот лик, исто така, ќе се појави во кината во биографски филм во кој глуми ѕвездата на “The Bear” Џереми Ален Вајт.
