Тим американски научници откри компонента во маслинките за која веруваат дека може да помогне во борбата против дебелината и дијабетесот.
Научниците од Универзитетот Вирџинија Техника спроведоа експерименти на глувци кои покажаа дека линолеинската киселина од маслинките го намалува шеќерот во крвта и се чини дека помага при губење на тежината. Линолеинската киселина е есенцијална омега-6 масна киселина која се наоѓа во различни растителни масла, вклучувајќи го и маслиновото масло.
Со оглед на тоа што во маслинките нема доволно од оваа киселина, која природно би помогнала во борбата против горенаведените заболувања, научниците веруваат дека нивното истражување би можело „да го отвори патот за развој на безбедни и евтини природни производи за контрола на дебелината и дијабетес тип 2 кај луѓето“.
„Промените во животниот стил и мерките за јавно здравје имаат ограничено влијание врз зголемената преваленца на дебелината, еден од главните фактори на ризик за дијабетес тип 2“, рече водечкиот истражувач Донгмин Лиу, професор на Одделот за исхрана и физичка активност на Универзитетот во Вирџинија.
Тој посочува дека достапните лекови против дебелина се неефикасни во одржувањето на вишокот килограми, се скапи и претставуваат долгорочен ризик по здравјето.
-Нашиот тим работи на развој на побезбеден, поевтин и мултифункционален лек кој би спречил појава на метаболички нарушувања и дијабетес тип 2 – додаде тој.
Презентирајќи ги резултатите од истражувањето на професионална конференција во Чикаго, Луи и неговите колеги нагласија дека на глувците на кои им била дадена линолова киселина четири до пет недели доживеале намалување на дебелината за 10,7 отсто, додека нивото на шеќер во крвта и чувствителноста на инсулин паднале на она што „може да се спореди со здрави, слаби глувци“.
Медитеранската исхрана е особено богата со маслинки и маслиново масло. Се покажа дека маслиновото масло, кое се смета за поздрава алтернатива на растителните и масла од семки, помага во спречување на когнитивниот пад, според неодамна објавеното истражување на 90.000 испитаници.
