Инвестицискиот фонд „Permira Advisers LLP“ под чија капа е брендот „Hugo Boss“, склучи договор за купување на производителот на обувки „Dr.Martens“ за 300 милиони фунти (околку 468 милиони долари).
Се предвидува дека „Permira Advisers“ ќе стане сопственик на брендот „Dr.Martens“, а се очекува договорот да биде завршен во јануари 2014-та.
Дизајнот на чизмите со дебел ѓон на „Dr.Martens“ е развиен во 1947-та од доктор Клаус Мартенс. Тие стекнуваат голема популарност меѓу младите во 60-тите години на минатиот век. Во моментов чевлите на брендот се продаваат во 63 земји.
Во 2012-та продажбата на „Dr.Martens“ изнесувала 160 милиони фунти, а профитот околу 23 милиони фунти.
