23 јуни, 2024
ПочетнаАВТОБИЗРечиси нов модел: „BMW“ ја претстави рестилизираната „Series 1“, позната и цената...

Речиси нов модел: „BMW“ ја претстави рестилизираната „Series 1“, позната и цената (ФОТО/ВИДЕО)

Баварскиот производител го освежи својот компактен хечбек за да може да биде конкурентен на пазарот до доаѓањето на наследникот.

Редизајнот на „Series 1“ беше невообичаено долго чекање кога станува збор за рестилизирање на постоечкиот модел. Хечбекот на „BMW“ е надграден по речиси пет години од лансирањето на сегашната, трета генерација.

Затоа промените се поопсежни отколку кога редизајнот се прави по три години, што е најчеста практика во автомобилската индустрија.

Ако не е целосно нов модел, надворешниот дизајн е значително променет во споредба со верзијата во заминување.

Некои стилски детали беа преземени од новиот „X2“, а дизајнерите се залагаа за поостри линии на каросеријата.

Напред гледаме нова, поширока решетка на ладилникот, која, во зависност од верзијата и пакетот на опремата, може да биде врамена со црни (спортски стил) или хромирани лајсни (поелегантна варијанта).

„M“ верзиите, секако, имаат нагласени спортски декоративни елементи.

Иако страничната линија е главно непроменета, има некои нови детали, како што е дискретниот број „1“ на C-столбот.

Клиентите можат да изберат помеѓу алуминиумски тркала со дијаметар од 16-19 инчи.

Задниот дел дефинитивно наликува на новиот „X2“. Сопирачките светла се посовремени отколку кај појдовниот модел, со „скршени“ линии.

Димензиите на надворешноста се малку поинакви од претходно. Должината се зголеми за 42 mm, на 4,36 m.

Меѓуоскиното растојание е непроменето на 2,67 m.

„BMW Series 1“ е малку повисок од претходно (1,45 m), додека ширината од 1,8 m останува иста.

Автомобилот има багажник со волумен од 300 литри, кој може да се зголеми со преклопување на седиштата до максимални 1.135 литри. Оваа информација е иста како и претходникот.

На купувачите првично ќе им бидат понудени четири верзии – две бензински и две дизел.

Основниот бензински модел ја носи ознаката „120“, а помоќниот „M135“ (без традиционалната буква „i“ која сега е исфрлена од името на моделот). Инаку, оваа промена во номенклатурата подоцна ќе ја прифатат и другите модели на „BMW“.

Дизелите се „118d“ и „120d“.

„BMW 120“ има трицилиндричен 1.5 бензинец со 170 ks. Автомобилот забрзува до 100 km/h за 7,8 секунди.

Што се однесува до „BMW M135“, под хаубата се наоѓа 4-цилиндричен 2.0 кој произведува 300 ks и 400 Nm. Од 0 до 100 km/h забрзува за 4,9 секунди, а максималната брзина е електронски ограничена на 250 km/h.

Основниот дизел „118d“ има 2,0-литарски мотор со 150 „коњи“, додека 120d има 163 наместо досегашните 190 ks.

Веројатно се работи за исполнување на нормите за емисија на издувни гасови.

Рестилизираната „Series 1“ во Германија започнува од 37.900 евра, што е цената на бензинскиот „BMW 120“.

НАЈНОВИ ВЕСТИ

ХОРОСКОП