Овен (21.03 – 20.04)
Бидете трпеливи, бидејќи може да се исцрпите докрај ако продолжите со расправиите. Размислете објективно за тоа до каде сте и како се чувствувате. Моменталната состојба не ви е многу сјајна, но за тоа сте виновни единствено вие, во иднина пред да ги одложувате работите, размислете за последиците.
Бик (21.04 – 21.05)
Ви пречи несериозноста спрема работата на другите. Не сакате да се расправате, па го потиснувате незадоволството. Сакате нешто да промените и ќе ви успее тоа. Исполнете ги сите обрски на работа, не ги одложувајте предметите за наредната година, тоа лошо ќе се одрази на вашата кариера.
Близнаци (22.05 – 22.06)
Денес е можно еден ваш пријател да ви побара пари на заем. Тој навистина се наоѓа во тешка ситуација и би требало да му помогнете. Меѓутоа вие ќе бидете во дилема затоа што не знаете дали воопшто ќе ви ги врати и како на тоа ќе реагира партнерот. Ако сте слободни, одамна имате симпатии кон една личност којашто е во врска.
Рак (22.06 – 22.07)
Борете се со сета сила ако сакате да успеете. Не штедете ја енергијата и бидете трпеливи. Послушајте совет од блиските кои ќе ви помогнат со помалку напор да завршите повеќе работи. Денес не навлегувајте во непотребни конфликтни ситуации, останете смирени, без разлика на големината на проблемот.
Лав (23.07 – 22.08)
Потрудете се да не се расправате со соработниците. Загрижени сте, а и самите не знаете зошто. Потрудете се да се смирите и да бидете потолерантни. Поведете повеќе сметка за неконтролираното трошење и заштедете некој денар.
Девица (23.08 – 22.09)
Некои помали промени на работното место ќе ви дадат додатна сила за постигнување на подобри резултати. Нема да се пожалите од досада. Ако сте во врска добро ќе се разбирате со партнерот и ќе ги надминете кризите.
Вага (23.09 – 22.10)
Ситуацијата на работното место не ви е многу добра. Ќе ви биде доверена задача која за вас ќе претставува голем предизвик.
Шкорпија (23.10 – 21.11)
Завршете ги важните работи. Ќе бидете многу уверливи и успешно ќе се залагате за сопствените идеи. Храбро ќе влегувате во полемики, дури и кавги од кои ќе излегувате како победник. Ситуацијата во љубовта е нестабилна.
Стрелец (22.11 – 21.12)
Ќе бидете таинствени и колегите нема да ги известите за вашите намери. Внимавајте што зборувате затоа што соговорникот може да се најде навреден од некои ваши размислувања. Внимавајте и на возењето. Патиштата се во лоша состојба и можни се проблеми.
Јарец (22.12 – 20.01)
Денес може да се случи една женска личност да се обиде да ве повреди. Нејзе не и се допаѓаат вашите ставови и таа ќе се обиде на таен начин да ве попречи во остварувањето на вашите планови. Ако сте осамени, денес можете да сретнете една интересна и амбициозна личност. Можно е да се претвори во вистинска љубов.
Водолија (21.01 – 19.02)
Ќе биде подобро да останете мирни и да не реагирате. Секогаш е тешко да се откажете, но важно е да се фокусирате на она што ви се случува во моментот. Не се затворајте дома, комуницирајте, бидејќи може да научите мнгу важни лекции кои ќе ви бидат од корист.
Риби (20.02 – 20.03)
Се уште не сте подготвени вашите планови да ги изнесете пред колегите. Имате многу убави идеи за тоа како би требало да се одвива работата, но сметате дека климата е таква и нема да бидат прифатени. Заради тоа во последно време повеќе сте свртени кон домот и целата ваша креативност е свртена кон него. Ако планирате да градите или да реновирате, сега не е време за правење идејни планови.
