По бројните турбуленции изминатиов период во Друштвото на писателите на Македонија, поголема група писатели и издавачи одлучи да основа нова асоцијација на македонските писатели – Македонски центар за литература.
Основачи на Македонскиот центар за литература се: издавачите Ненад Стевовиќ и Светлана Кочовска – Стевовиќ, како и преведувачите и автори Владимир Јанковски, Иван Шопов и Николина Андова – Шопова.
Претседател на асоцијацијата е Владимир Јанковски.
Дејноста на асоцијацијата е врз база на слободно пристапување и зачленување, а од неа се дел видни писателски имиња од македонската литература.
Повеќе информации за Македонскиот центар за литература ќе бидат достапни на официјалната е-адреса: http://literarycentre.mk/.
Активни се и страницата на Facebook, како и YouTube каналот на асоцијацијата каде преку куси видеа ќе бидат објаснети некои од основните аспекти на литературата и нејзината рецепција.
