Вториот по големина светски производител на пиво „SABMiller“, зад белгиско-бразилскиот „ABInBev“, ги зголеми приходите од продажбата за четири проценти во првата половина од фискалната 2013-2014 година, благодарение на растот на обемот на продажбата за еден процент.
За тие шест месеци, заклучно со септември 2013 година, сопственикот на брендовите како што се „Miller“, „Grolsch“ и „Peroni“ оствари резултати во согласност со очекувањата на аналитичарите, се вели во соопштението кое го пренесува Ројтерс.
„SABMiller“ нагласува дека обезвреднувањето на некои валути во однос на американскиот долар, сепак, влијаело на неговите сметки.
