Со текот на годините, различни делови од Источна Европа развија свои варијации на оваа салата, но тие споделуваат неколку основни состојки: компири, јајца, моркови, кисели краставички, грашок и прелив на база на мајонез.
Руската салата е незаменлив дел од празничната трпеза и е популарна низ Источна Европа и светот. Салатата е позната под различни имиња како што се „Енсалада Руса“ или „Оливије салата“ или „Салат Оливија“.
Ова е едноставна салата од 18 век, измислена од Лусиен Оливие и која ја консумираат луѓето ширум Источна Европа, пренесува City Magazine.
Руска салата, рецепт
Состојки:
Компир;
Моркови;
Јајца;
Грашок;
Кисели краставички;
Шунка;
Мајонез и сенф.
Подготовка:
Руската салата е лесна за подготовка, но подготовката бара неколку чекори и дополнително време бидејќи зеленчукот и јајцата мора да се сварат и изладат пред подготовката.
Чекор 1: Ставете ги јајцата во тенџере со ладна вода. Оставете да зоврие и варете десет минути. Извадете ги јајцата од водата и оставете ги целосно да се изладат.
Чекор 2: Неизлупените компири и моркови ставете ги во тенџере со вода. Додадете една лажичка сол и оставете да зоврие. Гответе додека зеленчукот не омекне, околу 20-25 минути. Извадете го од водата и оставете да се излади целосно.
Чекор 3: Излупете ги и исечете ги киселите краставички.
Чекор 4: Исцедете го и исплакнете го грашокот.
Чекор 5: Излупете ги и исечкајте ги јајцата, компирите и морковите.
Чекор 6: Ставете ги сите состојки во голем сад и измешајте.
Чекор 7: Во помал сад измешајте мајонез со сенф и бибер. Додадете ја смесата во состојките за салатата и повторно измешајте сè.
Важен совет при правење салата: Не ја посолувајте смесата со мајонез. Мајонезот, како и сенфот, веќе содржат многу сол. Прелијте ја салатата со преливот, вкусете, па дури потоа посолете по потреба. Запомнете, секогаш можете да додадете сол, но не можете да ја отстраните!