Турција ќе има нов национален автомобилски бренд – „Very“, кој ќе започне со масовно производство на електрични автомобили во 2025-та година, јавуваат медиумите во земјата.
Под брендот „Very“, тие ќе произведуваат линија на електрични возила од класата „L7“ (тешки четири тркала). Возилата ќе добијат оригинален дизајн развиен од Техничкиот универзитет Јилдиз, како и мотор и батерии од сопствен развој. Цената на електричниот автомобил се очекува да биде околу 25.000 долари.
Тимот што го разви електричниот автомобил известува дека максималниот капацитет на батеријата ќе биде 33 kWh, а километражата со едно полнење ќе биде околу 300 km. Планирано е да се изгради фабрика за производство на автомобили во Гемлик, провинцијата Бурса.
Во првата фаза се планира да се произведуваат до 10.000 електрични возила годишно, кои ќе се продаваат во Европа, Блискиот Исток и Северна Африка.
Првата турска национална марка на автомобили – „TOGG“, започна со производство на своите модели во 2022-ра година, а нивната продажба започна во пролетта 2023-та година. Цените на електричните автомобили на марката се движат од 48.500 до 63.900 долари, што значи дека автомобилите на „Very“ ќе бидат околу 2 пати поевтини.
