Во 2019 година, Крис Тарел (38) решил радикално да го промени својот живот. Тоа бил моментот кога го започнал своето патување на трансформација. Ослабел 56 килограми за две и пол години и како што вели неверојатниот резултат го постигнал со мали промени и постепено градење здрави навики. Почнал да плива по 20 минути три пати неделно, а јадел само кога бил гладен. Крис откри како неговата исхрана се менувала во текот на процесот.
Секој ден јадел благо и брза храна, секогаш нарачувајќи ги најголемите порции. Не ја исклучил оваа храна затоа што ужива во неа, но сега ја јадел еднаш месечно, а не секој оброк секој ден. Тарел секој ден одел во Мекдоналдс на појадок и ручек со своите колеги. Тој, исто така, редовно нарачувал јадење, во кое уживал додека играл видео игри до доцна во ноќта. Според неговите зборови, тој лесно можел да изеде и до 5.000 калории дневно.
Исхрана пред слабеење
Појадок: два сендвичи од Мекдоналдс со сланина, јајца и бисквити, големо „лате“
Ужина: чипс
Ручек: Двојни чизбургери со сланина и помфрит, плус обилни количини кечап
Попладневна ужина: кафе Старбакс
Вечера: Голема пица
Вечерна ужина: пуканки, виршли, сирења, житарки
-Да, овие ручеци беа мои големи оброци, мислев дека е во ред. Нема ништо лошо во ниту еден од тие оброци. Јас само го предимензионирав појадокот, ручекот, вечерата и вечерната ужина. Обожавав да одам во кино, па ќе земам големи пуканки, ќе ставам путер, ќе ги изедам и потоа ќе одам да земам повеќе путер“, рече Крис.
Постепено намалување на големината на порциите
Тарел не се откажал целосно од пуканки за да ослабе.
-Јадам пуканки четири пати годишно. Сè уште го правам тоа – рече тој. За да изгуби тежина, Тарел направил мали промени. На пример, тој нарачувал два пилешки сендвичи, четири канчиња со полинезиски сос и прилог „чикен нагетс“. Некое време подоцна ја намалил порцијата на еден пилешки сендвич, помфрит и еден сос, кој потоа станал само сендвич и сос.
Само што почнав полека да правам мали измени – рече тој, истакнувајќи дека си рекол дека ќе земе мала порција, но дека може да се врати за повеќе ако е навистина гладен.
Фаза по слабеењето
Кога Тарел излегол од фазата на слабеење и почнал да ја одржува тежината, тој вградил повеќе закуски во својата исхрана за да се увери дека јаде доволно за да ја одржи тежината. Тој се вратил во калориски вишок за да му помогне да изгради мускули, а потоа се врати во калориски дефицит за да изгуби дел од маснотиите што доаѓа со зголемувањето. Тареловиот калориски дефицит на исхрана е многу далеку од она што бил пред неколку години.
Вака изгледа неговата исхрана по слабеењето:
Појадок: Една до две овесни каши со протеини
Ужина (ако е гладен): портокал или мала порција јаткасти плодови
Ручек: Сендвич со пилешко
Ужина: портокал, протеински барови, гранола, бадеми, протеински шејк
Вечера: ориз, грав или зеленчук
Закуски: Мала кесичка пуканки или парче чоколадо
