Супер храна: Ги штити цревата и спречува болести

Можеби нашите родители беа во право кога ни велеа дека треба да јадеме повеќе зеленчук. Имено, едно ново истражување покажа дека брокулата содржи одредени молекули кои можат да го заштитат и подобрат здравјето на цревата, како и да го намалат ризикот од одредени цревни заболувања, што дополнително ги поткрепува доказите дека овој зеленчук е навистина суперхрана, пишува New York Post.

Научниците од Универзитетот Пен Стејт направија тестови на глувци и открија дека молекулите во брокулата се врзуваат за рецепторот кој помага да се заштити слузницата на нивните црева. Откриле дека токму тоа предизвикува низа активности кои влијаат на функциите на цревните клетки, објаснуваат авторите на споменатата студија. Други студии претходно открија дека јадењето зеленчук како брокула може да помогне да се намали стапката на рак и дијабетес тип 2.

„Сите знаеме дека брокулата е добра за нас, но зошто? Што всушност се случува во нашите тела кога ја јадеме? Имено, нашето истражување се обиде да ги открие механизмите со кои брокулата придонесува за здравјето на глувците, а веројатно и на луѓето. Добивме силни докази дека „зеленчукот како брокула, зелка и бриселско зелје треба да бидат дел од секојдневната исхрана на луѓето токму поради нивните придобивки во цревата“, објаснува Гери Пердју, еден од авторите на студијата.

„Здравјето на цревата на глувците кои не јаделе брокула за време на истражувањето било загрозено на различни начини за кои е познато дека се поврзани со одредени болести на дигестивниот систем“, додал тој, пренесува index.hr.