Буџетниот купе-кросовер „Renault Arkana“ ќе престане да се продава во Европа до 2025-та година, а нова генерација на моделот не се планира и покрај тоа што се смета за комерцијален успех, објави „Motor.es“. Причина за ваквата одлука е воведувањето на новиот стандард Еуро 7.
„Arkana“ беше претставена во 2019-та година и на европскиот пазар е дури од 2020-та година, а моделот е достапен не само во бензинска, туку и во хибридна верзија. Сепак, за стапување во сила на Еуро 7 се потребни измени на автомобилите со мотори со внатрешно согорување, со што цената на автомобилот ќе се зголеми за повеќе од 2.000 евра.
Во Европа, верзијата „Arkana“ е многу различна од глобалната, користејќи ја архитектурата „CMF-B0“ како „Duster“. Вкупно 113.500 примероци беа продадени во 2021-2022. Иако „Renault Arkana“ ќе биде укината, марката ќе има купе-кросовер во својата гама. Новиот модел ќе се појави на почетокот на 2024-та година и ќе биде изграден на база на „Renault Austral“.
„Renault Arkana“ првично беше замислен како модел за земјите во развој, проект кој беше поврзан со „Dacia“, но кој на крајот беше евтина опција за земјите во Јужна Америка и Русија, главно. Сепак, атрактивниот дизајн го натера „Renault“ да ги преиспита своите намери, па компанијата реши да го додаде овој модел во својата постава во Европа и Јужна Кореја со значителни промени.
