23 април, 2024
ПочетнаЕКОНОМИЈАЛани туризмот во Европа се приближи до нивото пред пандемијата (ИНФОГРАФИК)

Лани туризмот во Европа се приближи до нивото пред пандемијата (ИНФОГРАФИК)

Туристичката индустрија во Европската унија (ЕУ) очигледно силно закрепнува од пандемијата Ковид-19. Вкупниот број на ноќевања во туристичко сместување во 2022-ра година беше блиску до нивото пред пандемијата и изнесуваше 2,72 милијарди ноќевања, во споредба со 2,88 милијарди во 2019-та година, или 5,6% помалку.

Ова претставува значително зголемување во споредба со бројот на ноќевања во 2020-та и 2021-ва година – соодветно 1,42 милијарди и 1,83 милијарди, покажуваат најновите податоци на европската статистичка агенција Еуростат.

Во 2022-ра година, месечните податоци за туризмот се зголемуваа континуирано и на крајот се приближија до нивоата на соодветните месеци во 2019-та година.

Споредено со првата половина од 2019-та година во истиот период минатата година, бројот на ноќевањата е намален за 11,0%. Сепак, во вторите шест месеци од 2022-ра година забележано е подобрување на трендот, при што бројот е намален за само 1,9 отсто на годишно ниво.

Бројките за 2022-ра година, исто така, покажуваат дека ноќевањата на меѓународните посетители се приближиле до нивото од 2019-та година, тие беа 1,19 милијарди минатата година, што е намалување за 12,6%. Ова претставува сериозен пораст во однос на бројот на ноќевања на странски туристи во 2020-та и 2021-ва година – 412,5 милиони и 587,8 ​​милиони, соодветно.

Во однос на домашните патувања, податоците за 2022-ра година покажуваат рекорден број на ноќевања – 1,53 милијарди, што е за 10,9 милиони повеќе од 2019-та година (зголемување од 0,7 отсто).

Меѓу земјите на ЕУ, бројот на ноќевања на домашни и странски туристи во 2022-ра година во споредба со 2019-та година е зголемен само во три од земјите-членки за кои се достапни податоци: Данска (384 милиони ноќевања во 2022-ра година и раст од 12,3%), Холандија (128,3 милиони ноќевања и раст од 3,9%) и Белгија (42,7 милиони ноќевања и раст од 0,5%).

Во исто време, другите земји допрва треба целосно да се опорават од влијанието на пандемијата врз туризмот. Ова особено се однесува на Латвија (3,9 милиони ноќевања во 2022-ра година и намалување од 29,6%) Словачка (12,3 милиони и намалување од 28,3%).

НАЈНОВИ ВЕСТИ

ХОРОСКОП