Никола Тесла бил многу внимателен што јаде и како вежба, бидејќи сметал дека е важно да остане активен што подолго.
Во својата книга „Моите пронајдоци: Автобиографијата на Никола Тесла“ изјавил дека обично појадувал млеко и јајца, го прескокнувал ручекот, а особено сакал супа од зеленчук.
„Најважниот елемент од мојата животна шема е мојата исхрана. Не можете да очекувате машината да работи добро ако не и обезбедите соодветно гориво“, рече Тесла, но исто така истакна дека со текот на времето сфатил дека два оброци дневно се сосема доволни, пишува Satisfied.
“Два оброци дневно ми го подобрија здравјето и ми го заострија апетитот и вкусот. Не знаев каков е животот додека не го исклучив ручекот од исхраната. Денес, на 78-годишна возраст, уживам во двата оброци во иста мера како кога бев момче од 16 години и немам дигестивни проблеми“, пишува на веб-страницата на Tesla Universe.
Супа од кромид и целер
Како што вели, за појадок сакал да пие млеко бидејќи е богато со протеини, и да јаде јајца, особено белки бидејќи и тие се богати со протеини. Сакал и ориз, но не и сирење.
Зеленчукот е неопходен, иако не содржи многу протеини. Не дава многу енергија, но ги регулира цревата, му дава витамини на телото. Сакам да јадам убава супа од кромид и сечкан целер подготвена со доста путер. Оваа комбинација лесно се вари и ја јадам со години“.
Тесла го пофали и овошјето, а тој рече дека шеќерот не е опасен во мали количини, но не смееме да заборавиме дека го има многу во овошјето.
Јадел месо двапати годишно
На прашањето дали е вегетаријанец или не, Тесла рекол:
“Јадам месо многу ретко, еднаш или двапати годишно. Богато е со протеини, но рибата е речиси подеднакво богата со протеини и масти и многу полесно се вари. Фосфорот што го содржи е одличен за нервниот систем. Но, фосфорот, додека го храни мозокот, предизвикува киселост во организмот. И месото и рибата ни даваат брза енергија. Овие намирници за одредени луѓе со одредени професии се неопходни, иако ни го скратуваат животот поради нивниот состав. Сепак додека сме живи ни даваат многу енергија“.
А што кажа за спиењето?
„Спиам? Речиси никогаш не спијам. Доаѓам од семејство на долговечни луѓе кои се познати по тоа што не спијат многу. Се надевам дека ќе го достигнам рекордот на моите предци и ќе живеам најмалку 100 години. Недостатокот на сон не ме загрижува. Некогаш спијам само по еден час. Повремено, но на секои два месеци дремам 4-5 часа. Потоа се будам целосно наполнет со енергија, како батерија. После таква ноќ, ништо не може да ме спречи. Тогаш чувствувам огромна сила. Нема сомнеж дека спиењето е закрепнувачко, давател на живот, ја зголемува енергијата. Од друга страна, не верувам дека е неопходен за нечие здравје, особено ако е некој кој вообичаено спие малку“.
