Верувале или не, поминаа пет и пол години откако „Mercedes“ го запрепасти светот со претставувањето на концептот „Project One“ на саемот во Франкфурт. Беше и остана навистина посебен автомобил кој буквално ја носи Формула 1 технологијата на патиштата.
Сега конечно е произведен првиот примерок за пазарот. Автомобилот, ако воопшто можеме да го наречеме така, има германски регистарски таблички со јасно ознака „ON1“.
Однадвор е речиси целосно црн, со само неколку зелени акценти на „Petronas“, црвен довод на покривот и бела ознака „AMG“ на централната „перка“.
Можеби некој не е најбрз на хартија, но се покажа како најбрз на патеката. Тој е рекордер на патеката во Нирбургринг, Хокенхајм и Ред Бул Ринг.
Ќе бидат произведени само 275 примероци. Сепак, не е познато кој го купил првиот автомобил. Се споменуваа многу имиња, меѓу кои и Ф1 возачите Луис Хамилтон, Ник Розберг и Дејвид Култхард.
Меѓу познатите купувачи кои се пријавиле на списокот за нарачки се Мани Кошбин, актерот Марк Волберг и романскиот бизнисмен Јон Цириак.
За потсетување, „One“ е придвижуван од хибриден склоп кој се состои од 1.6 V6 бензински мотор со 574 ks кој „врти“ до 11.000 вртежи во минута.
Има четири електромотори, по еден за секое предно тркало, еден поставен покрај V6 моторот со над 160 ks и четврти од 121 ks поврзан со турбината.
Батеријата има капацитет од 8,4 kWh и обезбедува електричен досег од 18 km.
До 100 km/h достигнува за 2,9 секунди, а до 200 km/h за само седум секунди. Максималната брзина е 352 km/h.
Монтажата на автомобилот се одвива во центарот на „AMG“ во Ковентри, Велика Британија, додека хибридниот погон со четири електрични мотори доаѓа од одделот „Mercedes“ (High Performance Powertrains) лоциран во Бриксворт.
Го составуваат истите луѓе кои се одговорни и за Ф1 болидите.
Да кажеме и дека сите примероци биле однапред продадени по почетна цена од околу 2,75 милиони евра.
