Компанија основана од тим инженери за роботика наречена „Shift Robotics“ тврди дека нејзините „Moonwalkers“, „високо-технолошки“ додадоци за чевли, ќе ја зголемат вашата брзина на одење до 250 проценти.
И не, ова не е првоаприлска шега. Компанијата буквално го споредува својот нов изум со зората на вселенската ера во блескаво маркетиншко видео.
„Начинот на кој одиме е заглавен во минатото“, се вели во видеото. „Време е да се засили“.
Компанијата тврди дека нејзините „Moonwalkers“ се „најбрзите чевли во светот“. Во суштина, тие изгледаат како неправилен крст помеѓу ролери и патики, со шест тркала на секоја нога што му овозможуваат на носителот да оди малку подалеку со секој чекор.
Овие тркала не се вртат слободно – благодарение на софистицираниот „АИ погон“, тркалата ќе ве одведат многу подалеку, но само во вистинско време, што значи дека нема да се вртите надвор од контрола, пишува „Futurism“.
„Кривата на учење обично е под десет чекори“, тврди компанијата на својата страница „Kickstarter“. „За да одите побрзо, само одете побрзо. За да забавите, одете побавно“.
Во овој случај, „побрзо“ значи максимална брзина од околу 11 km/h. Едно полнење на батеријата исто така ќе трае само околу 10 километри.
Дали ги спомнавме надежите на компанијата да ги продава за 1.400 долари по пар?
