Како правилно се мери притисок? Многу луѓе ги прават овие грешки

Ако добивате различни отчитувања кога го мерите притисокот, веројатно не го мерите правилно, што може да биде делумно опасно.

Многу е важно при мерењето да ги следите правилата на професијата, за да избегнете погрешни резултати и да имате точни податоци за вашето здравје.

1. Пред мерење испразнете ја бешиката. Вредноста може да биде поголема за 5-10 mmHg ако сте заборавиле да одите во тоалет.
2. Направете пауза. Пред мерење на притисокот потребно е да се одморите, да не се возбудувате премногу и да престанете да зборувате. Исто така, важно е да не зборувате за време на мерењето.
3. Наместете се правилно. Седнете во столче, идеално би било да имате потпора за рацете и грбот.
4. Положбата на раката е најважна. Првиот пат измерете го притисокот на едната и на другата рака. Онаа што покажува повисоко треба да биде раката на која се мери притисокот стандардно.
5. Пред мерењето не треба да пиете кафе и чај, бидејќи тие можат да го подигнат притисокот. Исто така, важно е да избегнувате енергетски пијалоци.