четврток, 8 декември 2022
ПочетнаСПОРТБИЗЃоковиќ посилен од Чилиќ за титулата од Тел Авив

Ѓоковиќ посилен од Чилиќ за титулата од Тел Авив

Новак Ѓоковиќ без многу мака, со 6:3/6:4 го совлада хрватскиот ривал Марин Чилиќ за да ја освои титулата на АТП 250 турнирот во Тел Авив, Израел и да ја продолжи доминацијата во меѓусебните дуели на двајцата ветерани.

На Србинот му беше доволен еден брејк за 3:1 водство во првиот сет, по што веднаш во вториот брејк направи уште еден брејк, за да го комплетира мечот за час и 35 минути игра. Ова беше неверојатна 19-та победа во 22 меѓусебни мечеви за Ѓоковиќ.

На Софија опен, пак, Швајцарецот Марк-Андреа Хислер ја освои својата прва титула во кариерата со 6:4/7:6(8) победа над данскиот тинејџер, Холгер Руне. 26-годишниот Хислер е првиот Швајцарец кој освоил АТП титула по Роџер Федерер кој триумфираше на домашниот турнир во Базел во 2019 година. Руне останува на една титула во кариерата, откако во мај победи на Минхен опен.

Чехинката Барбора Крејчикова ја изненади првата носителка и домашна фаворитка, Анет Контавеит со 6:2/6:3 во финалето на првиот Талин опен во Естонија за да ја освои својата четврта титул во кариерата. За Контавеит пак, ова беше прв пораз по 24 победи на индорс хардкорт подлога.

НАЈНОВИ ВЕСТИ

ХОРОСКОП