Големите производители трошат огромни суми пари секоја година обидувајќи се да привлечат купувачи, а можеби е лесно да се помисли дека штом ќе се случи тоа, задржувањето на тие клиенти ќе биде многу полесно. Сепак, излегува дека тоа не е така.
Според новото истражување на „S&P Global Mobility“, повеќето луксузни брендови забележуваат пад на лојалноста на клиентите. Целта на истражувањето е да се открие колкав процент од купувачите се враќаат на бренд чиј автомобил го поседувале. Истражувањето го опфаќа периодот од јануари 2020-та година до сега, покажувајќи некои интересни резултати.
Севкупно, луксузниот сегмент забележа пад од 4,5%, но корејскиот производител на автомобили „Genesis“ објави 8,5% зголемување на лојалноста на брендот. Ова е речиси двојно повеќе од растот на „Maserati“ (4,5%), кој е на второто место. Само уште еден бренд – „Tesla“ – известува за позитивна промена на овој индикатор, во овој случај тоа е 4%.
На спротивна страна е „Land Rover“, каде е забележан најсериозен пад од 9,5%. Во првите три, кои се рангирани според падот е и „Porsche“ со 8,5% и американскиот производител „Lincoln“ (-7,9%). Истражувањето, исто така, покажува проблеми во овој поглед за две од водечките германски премиум марки, „Audi“ (-7,3%) и „Mercedes-Benz“ (-7,0), додека падот на „BMW“ е најмал (-2,3%).
Авторите на студијата истакнуваат дека голем проблем за производителите на луксуз е недостигот на делови, што го забавува производството. Богатите клиенти едноставно не се навикнати да чекаат и да менуваат брендови за да можат побрзо да го добијат својот автомобил.
Прогнозите се дека испораките на автомобилската индустрија ќе се вратат во нормала во наредните месеци и повеќето производители ќе имаат шанса да ја надоместат изгубената позиција.
