Компанијата за производи за убавина „Estee Lauder“ прогнозираше годишна продажба и профит под проценките бидејќи беше погодена од заклучувањата поврзани со Ковид-19 на нејзиниот основен пазар во Кина.
Напливот на случаи и последователните ограничувања во Кина, која одржува политика за нулта Ковид, ги остави компаниите со присуство во земјата со многу непродаден инвентар бидејќи потрошувачите избегнуваат да ги посетуваат преполните трговски области.
Продолженото заклучување воведено минатата недела во туристичкиот центар Хаинан претставува дополнителни предизвици за брендовите „Estee Clinique“ и „La Mer“.
Компанијата веќе некое време се бори со слабата продажба во Кина. Создаде 1,01 милијарди долари од азиско-пацифичкиот регион во четвртиот квартал, што е пад од 23% на годишно ниво.
Акциите на компанијата со седиште во Њујорк паднаа за 1% во претпазарното тргување, откако сопственикот на брендот „МАС“ ги прогнозираше резултатите за тековниот квартал далеку под проценките на аналитичарите.
Сепак, набљудувачите очекуваат блокадите во Кина да имаат краткорочен ефект и да останат оптимисти за побарувачката за производи за убавина во регионот на долг рок.
Во меѓувреме, силната побарувачка од потрошувачите со повисоки приходи во Америка и помогна на компанијата да ги надмине проценките со резултатите од четвртиот квартал, бидејќи потрошувачите во регионот трошат повеќе на производи за убавина.
Компанијата очекува нето-продажбите за фискалната 2023-та година да се зголемат меѓу 3 и 5 отсто, во споредба со просечната проценка на аналитичарите од 7,6 отсто раст, покажаа податоците на „Refinitiv“. „Estee Lauder“, исто така, истакна дека силниот долар ќе влијае на неговите резултати за годината.
Исто така, очекува приспособената заработка по акција да се зголеми меѓу 5 и 7%, под проценките за зголемување од 10,5%.
