Во текот на изминатите неколку недели, „Xiaomi“ активно го предизвикува интересот на своите фанови ширум светот, споделувајќи детали за новиот предводник на брендот. Сепак, информациите се даваат во многу мали делови.
Деновиве, шефот на „Xiaomi“, Леи Џун, изјави дека првиот паметен телефон базиран на Snapdragon 8+ Gen 1 ќе донесе „мали изненадувања“. Тој не се задржа на никакви специфики.
Подоцна Џун рече дека инженерите на компанијата одамна ја приспособиле работата на Qualcomm Snapdragon 8+ Gen 1, што сугерира дека проблемот со прегревање на уредот повеќе не е присутен, објави „MyDrivers“.
До денес, водечкиот „Xiaomi 12 Ultra“ е заслужен за карактеристики како што е главна камера со матрица од околу 1 инч. Екранот ќе има брзина на освежување од 165 Hz. Ќе биде поддржано брзо безжично полнење од 200 W.
Се очекува новиот предводник на „Xiaomi“ да биде официјално претставен во текот на следниот месец.
