Станува збор за можноста за превиткување или, во овој случај, речиси вртење на екранот за 360 степени. Актуелниот уред за преклопување на „Microsoft“, „Surface Duo“, е познат по најдобрите шарки на пазарот и се состои од две посебни единици.
Сепак, се чини дека тоа не е доволно, па беше поднесен патент за систем кој овозможува превиткување околу целата оска, а сето тоа со елиминирање на класичната шарка што постои денес кај ваквите телефони. За што точно се работи?
Идејата зад патентот
Спротивно на сегашниот дизајн на преклопни уреди со флексибилни екрани на кои се забележуваат неправилности при свиткување, „Microsoft“ сака да избегне такви технички несовршености. Во својот патент, компанијата претставува напреден тип на плочка која треба да помогне да се спречи појавата на испакнатини на стаклото на екранот за виткање.
Според порталот „AndroidAuthority“, има „флексибилно стакло со основа што го олеснува виткањето и превиткувањето без набори на екранот“. Засега не е јасно која е точно разликата во самата технологија на екранот и на кој точно принцип се заснова механизмот на основната плоча што ги елиминира брчките.
Друга предност на овој дизајн е подобрената механичка сила на уредот бидејќи фокусот не е на флексибилниот екран, туку на механизмот што го олеснува свиткувањето на поцврстиот, стаклен екран.
Некој датум?
Како што е случајот со повеќето патенти, нема апсолутно никакво приближно време кога уред со таков механизам би можел да се појави на пазарот. Можеме да се надеваме дека ќе се појави на „Surface Duo 3“ моделот, но за тоа нема никакви наводи. Но, ако и кога ќе се појави, веруваме дека ќе претставува вистинска мала револуција во дизајнот на уредите за преклопување.
