Организаторите на традиционалниот натпревар „Автомобил на годината“ ги објавија финалистите во овогодинешното издание. Меѓу нив има и 4 електрични автомобили кои ќе се борат за највисоките почести.
Во финалето на натпреварот стигнаа „Audi Q4 e-tron“, „Ford Mustang Mach-E“, „Hyundai Ioniq 5“ и „Kia EV6“. Нивни ривали за првото место се „Cupra Formentor“, „Genesis G70“, „Toyota GR86“/„Subaru BRZ“, „Honda Civic“, „Hyundai Tucson“ и „Lexus NX“.
Оваа година организаторите создадоа посебна категорија само за електрични возила, во која ќе биде прогласен и победникот. За првото место ќе се борат „Audi e-tron GT“, „BMW iX“, „Ford Mustang Mach-E“, „Hyundai Ioniq 5“ и „Mercedes EQS“.
Во случајот со „луксузните автомобили“, спорот за првото место ќе биде меѓу „Audi Q5 Sportback“, „BMW iX“, „Genesis GV70“, „Mercedes EQS“ и „Volvo C40 Recharge“. Во исто време, „Audi e-tron GT“, „BMW M3„/„M4“, „Porsche 911 GT3“, „Toyota GR86“/„Subaru BRZ“ и „Volkswagen Golf GTI“/„R“ ќе се борат за победа во категоријата „Најдобар автомобил во светот“.
Има и посебна категорија за „Најдобар градски автомобил“, каде финалисти се „Dacia Sandero“, „Opel Mokka“, „Renault Kiger“, „Toyota Yaris Cross“ и „Volkswagen Taigun“. За наградата „Најдобар дизајн“ ќе се борат „Audi e-tron GT“, „Ford Mustang Mach-E“, „Hyundai Ioniq 5“, „Kia EV6“ и „Mercedes EQS“.
