Сините зони се пет различни заедници „расфрлени“ низ светот на кои заедничко им е тоа што имаат најголема концентрација на жители кои живеат над 100 години. Нивната долговечност лежи во специфичен начин на живот, вклучувајќи ја и исхраната, покажа истражувањето.
Сините зони детално ги истражувал авторот Ден Бетнер, а особено е интересна неговата анализа на различни видови храна во секој регион. Имено, Икарија во Грција, Окинава во Јапонија, Сардинија во Италија, Лома Линда во Калифорнија и полуостровот Никоја во Костарика се „означени“ како места каде живеат најдолговечните луѓе. Јасно е дека секој припаѓа на различни култури и клими, па затоа е невозможно целосно да се преклопуваат кога е исхраната во прашање. Што е заедничко за сините зони?
Грав
Конзумирањето на најмалку половина чаша грав секој ден е одлично за целокупното здравје. Вклучете црн, солен и бел грав во вашата секојдневна исхрана. Гравот е евтин извор на растителни протеини и полн со влакна кои помагаат во контрола на телесната тежина, го намалуваат ризикот од разни болести и го подобруваат здравјето на цревата, пренесува Индекс.
Зеленчук
Зеленчукот како брокула, карфиол и зелка содржи природни состојки кои се добри за срцето.
За ручек ореви
Јадете околу 60 грама ореви (околу две раце) секој ден. Освен ореви, можете да јадете и ф’стаци, бадеми и кикирики, како и семки.
Помалку месо
Конзумирањето повеќе растителна храна и мешунки е еден од клучните елементи на здрав и долг живот. Месото можете да го вклучите како прилог и не треба често да го консумирате. Зелениот зеленчук, тофу и сојата нека бидат примарен извор на протеини.
Многу вода
Откриено е дека луѓето кои живеат во сините зони пијат кафе и чај, но најмногу вода. Газираните пијалоци се најголемиот извор на додаден шеќер за повеќето возрасни. Повеќето засладени пијалоци не содржат никакви хранливи материи, па затоа треба да се избегнуваат.
