Според најновата анализа на „VGChartz“, глобалната продажба на конзолата „Nintendo Switch“ го надмина оригиналниот „PlayStation“ (познат како „PS1“ или „PSX“).
„Switch“ продаде 341.662 примероци во текот на неделата што заврши на 15-ти јануари 2022-ра година. Тоа ја зголеми вкупната продажба на конзолата на 102,81 милиони примероци.
Ова значи дека „Nintendo Switch“ официјално ја надмина претходната продажба на првата генерација на конзолата „Sony PlayStation“ и скокна на петтото место според продажбата.
Треба да се напомене дека продажбата на „Switch“ вклучува комбинирана продажба на оригиналниот „Switch“, како и „Switch Lite“ и „Switch OLED“ моделите.
Следната цел на „Nintendo Switch“ е да ја достигне серијата „Sony PlayStation 4“ во однос на продажбата, потоа „Nintendo Game Boy“ (вклучувајќи го „Game Boy Color“), „Nintendo DS“ и на крајот „Sony PlayStation 2“ која е најпродаваната конзола на сите времиња (158 милиони продадени копии). „Nintendo Switch“ беше глобално објавена на 3-ти март 2017-та година, додека „PS1“ беше објавен на 3-ти декември 1994-та година.
