Опседнатоста со здрава исхрана има и стручно име – орторексија.
Во 21 век е забележан се поголем број на луѓе кои внимаваат што поздраво да се хранат, но и оние кои стануваат опседнати со тој начин на живот. А ниту една опседнатост не е добра.
Таквата состојба стручно се нарекува орторексија, а повеќето од лекарите, нутриционистите, па и тренерите ќе се сложат дека целoсното исфрлување на одредени намирници од исхраната, со исклучок на нетолеранцијата кон нив, е штетно за здравјето.
Но, и покрај тоа, таквите луѓе ги има во голем број, а најчесто ги исфрлаат намирниците кои содржат глутен, месо, млечни производи, процесуирана храна и слично.
Со други зборови, орторексијата е страв од тоа личноста да јаде намирници поради кои може да не биде здрава.
Иако треба да се внимава на здравјето, ниту една опседнатост не е добра, а орторексијата е и психички проблем. Француската нутриционистка Софи Ортега предупредува и дека „clean eating“ влијае на недостатокот на витамин Б12 во организмот, а него го има во јајцата, млечните производи, месото и рибата.