Кинеските новинари го открија изгледот и карактеристиките на првиот електричен кросовер „BMW M“. Топ верзијата на моделот ќе добие два електромотори со вкупна моќност од 619 ks и 1.100 Nm максимален вртежен момент.
Првиот електричен кросовер на „BMW M“ требаше да дебитира на CES во Лас Вегас оваа недела, но баварскиот производител се повлече поради коронавирусот. Компанијата најави дека ќе го претстави кросоверот онлајн, но беше претекнат од кинеското издание на „Autohome“ кое го откри изгледот и карактеристиките на електричниот автомобил.
Генерално, надворешноста и внатрешноста на „BMW iX M60“ се речиси исти како и врвните верзии „iX xDrive40“ или „iX xDrive50“. Припаѓањето на највисоката класа може да се види од бронзените акценти, амблемите „M“ на браниците и натписот „M60“ на задната врата.
Капацитетот на батеријата сè уште не е објавен, но се чини дека „iX M60“ ќе биде 105,2 kW/h (како кај „xDrive50“), но поради различната калибрација на моторите, километражата ќе се намали за 9% (до 575 km). Забрзувањето од 0 до 100 km/h ќе трае 0,8 секунди помалку (3,8 секунди), а максималната брзина е зголемена за дури 50 km/h (до 250 km/h).
Електричната „М“ треба да се разликува и по шасијата со вртлива задна оска, но тоа сѐ уште не е официјално потврдено. Тоа се очекува да се случи оваа недела, кога ќе се одржи премиерата на моделот. И продажбата на првиот „BMW M“ кросовер без мотор со внатрешно согорување ќе започне ова лето.
