Роберт Левандовски би сакал да го оствари трансферот во Реал Мадрид и ќе побара да си замине од Баерн Минхен, тврди шпанскиот спортски весник „АС“.
Полскиот ветеран е несомнено еден од најдобрите напаѓачи на планетата со 307 гола во само 339 настапи за Баерн во сите натпрепварувања од јули 2014 кога дојде како слободен играч од Борусија Дортмунд.
Сепак, тој има договор со Баерн до 2023 година, што значи дека клубовите надвор од Германија ќе можат да преговараат со него од јануари 2023 година, а Баерн ќе ризикува да го загуби на слободен трансфер. Затоа е возможно тие да се решат на трансфер следното лето, со кој Левандовски повторно би работел со својот поранешен тренер Карло Анчелоти.
33-годишниот Левандовски има 18 трофеи со Баерн во кариерата, вклучувајќи 7 трофеи од Бундеслигата, 4 од Германскиот куп и еден од Лигата на шампионите.
