Англискиот премиерлигаш Евертон ја отфрли понудата во вредност од 28 милиони фунти која пристигна од Манчестер Јунајтед за откуп на фудбалерите Маруан Фелаини и Лејтон Бејнс.
Според медиумите на Островот, 16 милиони биле предложени за правата на белгискиот репрезентативец, додека англискиот лев бек е проценет на 12 милиони фунти.
Екипата на Евертон веќе отфрлија една понуда со иста вредност за Бејнс во јуни. Фелаини пак стана главна трансферна цел на „црвените ѓаволи“ за пополнување на средниот ред по неуспесите на трансферниот пазар со Тиаго Алкантара и Цеск Фабрегас.
Фелаини имаше ослободувачка клаузула во својот договор со вредност од 23,5 милиони фунти, но таа истече на крајот на јули.
Менаџерот на тимот од „Олд Трафорд“, Дејвид Мојс, кој го водеше Евертон во изминатата сезона во англиската Премиер лига, има голема желба овие двајца фудбалери да ги донесе во својот нов тим.