Сигурно е дека сте забележале дека се чувствувате подобро откако ќе се исплачете, а зад ова стои и науката.
Плачењето не само што може да ни помогне да се чувствуваме психички и емоционално подобро, туку има и голем број неочекувани физички придобивки од плачењето. Иако прекумерното плачење може да биде знак на депресија, вознемиреност или одредени невролошки состојби, постои и она умерено со кое можеме да ги освежиме умот и телото.
Плачењето им користи на нашите очи
Постојат емоционални солзи кои произлегуваат како одговор на емоциите.
-Емоционалните солзи се единствени по тоа што содржат протеини и хормони кои не се наоѓаат во базалната секреција или рефлексните солзи. Тие можат да имаат релаксирачки или смирувачки својства кои помагаат да се регулира телото и враќење во претходната состојба – објаснува докторката по медицина Дијана Хилал -Кампо.
Солзите се 98 проценти вода, но исто така содржат сол, масни масла и 1.500 различни протеини, како и антибактериска хемикалија позната како лизозим која помага во борбата против инфекциите. Значи, солзите се неопходни за здравјето на нашите очи, пишува Real Simple.
Плачењето е природен начин да се покажат или ослободат емоциите. Истражувањата сугерираат дека плачењето има катарзичен ефект кој може да ни донесе олеснување.
Истражувањата покажуваат дека силните емоции, како што е плачењето, можат да бидат резултат на прекумерна емоционална енергија, а солзите всушност помагаат за ослободување. Плачењето има моќ да ја намали напнатоста или негативните чувства, без оглед на тоа дали изворот на стресот е отстранет.
Иако не постојат точни податоци за тоа колку често треба да плачеме, Американската психолошка асоцијација (АПА) наведува дека жените плачат емоционални солзи во просек 30 до 64 пати годишно, додека мажите плачат емоционални 5 до 17 пати годишно.
