„Facebook“ може да стане конкурент на „PayPal“. Социјалната мрежа ќе тестира сопствен систем за плаќање кој ќе биде поврзан со апликации и ќе им овозможи на корисниците да купуваат преку интернет.
Интернет страната за машка мода „JackThreads“ ќе биде тест партнер на „Facebook“. Ако системот опфати и други апликации, може да конкурира и на гигантот во онлајн плаќањето „PayPal“, а освен тоа на „Facebook“ ќе му обезбеди детален профил на навиките за шопинг на потрошувачите.
Од „PayPal“ истакнаа дека имаат одлични односи со „Facebook“ и очекуваат тие така да продолжат. Компанијата посочи дека ја поздравуваат конкуренцијата и со нетрпение очекуваат да видат што ќе претстави „Facebook“. Некои аналитичари се скептични околу тоа дали корисниците ќе ги доверат податоците од кредитни картички на социјалната мрежа.
