Осумнаесет германски клубови активно купуваа за 51-та сезона во Буденслигата. Особено Баерн Минхен и Борусија Дортмунд инвестираа многу во новите ѕвезди. Еве ги најскапите засилувања на тимовите летово:
10. Кристијан Клеменс (Шалке 04)
Младиот талент на Шалке 04 е роден во Келн и беше купен од истоимениот клуб за 3 милиони евра.
9. Мухамед Абделау (Штутгарт)
Норвежанецот со марокански корени пред тоа играше за Хановер 96, а сега е дел од Штутгарт и тоа за сума од 3,5 милиони евра.
8. Леон Горецка (Шалке 04)
Баерн, Дортмунд и Реал Мадрид се заинтересирани за 18-годишниот Леон Горецка, но играчот го избра Шалке 04, кои го купија за 4 милиони евра.
7. Адам Салаи (Шалке 04)
Шалке 04 го купија напаѓачот Адам Салаи од Мајнц за 8 милиони евра. Унгарскиот може да се претвори во вистински конкурент за напаѓачот на тимот Клас Јан Хунтелар.
6. Сократис (Борусија Дортмунд)
Вечниот ривал на Шалке – Борусија Дортмунд, исто така беше активен на трансферниот пазар. Грчкиот дефанзивец Сократис Папастопулос го смени тимот и премина од Вердер Бремен во Борусија Дортмунд за 8,5 милиони евра.
5. Сон Хјун-Мин (Баер Леверкузен)
Кореанецот Сон Хјун-Мин беше купен од Баер Леверкузен за 10 милиони евра. Тој во нападот на „фармацевтите“ ќе го замени Андре Шурле кој замина во Челзи.
4. Пјер-Емерик Обамејанг (Борусија Дортмунд)
Пјер-Емерик Обамејанг е еден од најбрзите играчи во Европа, а Борусија Дортмунд го купија од францускиот Сент Етјен за 14 милиони евра.
3. Тиаго Алкантара (Баерн Минхен)
Тиаго е играчот кого го побара новиот тренер на Баерн, Пеп Гвардиола. Клубот ја исполни желбата и го откупи за 25 милиони евра од Барселона.
2. Хенрик Мхитарјан (Борусија Дортмунд)
Хенрик Мхитарјан го замени Марио Гетце во Дортмунд. Ерменецот дојде на „Сигнал Идуна Парк“ за 26 милиони евра.
1. Марио Гетце (Баерн Минхен)
Борусија Дортмунд го продаде Марио Гетце на Баерн Минхен за 37 милиони евра. Тоа официјално е најскапиот трансфер во Бундеслигата пред почетокот на новата сезона која стартуваше минатата недела.
