Вeќе знаеме дека мобилните телфони зрачат, но сепак многумина од нас упорно го чуваат телефонот во кревет во текот на ноќта. Да се потсетиме, која одалеченост е безбедна.
Мобилниот телфон ни стана неопходен и освен што во текот на целиот ден не се одвојуваме од него, многумина од нас тоа го прави и во текот на ноќта, иако реално немаат потреба, сепак телефонот „спие“ со нив во креветот.
Тоа претставува сериозна закана по здравјето, а истражувањата покажаа и дека зрачењето на телефонот (и другите слични уреди) може да се поврзе со заболувањето од рак и со некои ментални проблеми и проблеми со репродуктивното здравје.
Мобилните телефони пренесуваат информации користејќи нискофрекфентни радио сигнали, кои предизвикуваат зрачење.
Значи, ако веќе буквално преку целиот ден мобилниот ви е неопходен, барем во текот на ноќта можете да се одвоите од него.
Затоа експертите советуваат кога спиете ни случајно да не го чувате телефонот под перница или покрај телото – најмалата одалеченост меѓу вас и телефонот би требала да биде колку должината на една ваша рака, а пожелно е и повеќе.
Освен тоа, експерите предупредуваат да користите слушалки кога разговарате и мобилниот да го држите во торбица наместо во џеб бидејќи се покажа дека тоа би можело да влијае лошо на плодноста.
Истражувањњата покажаа дека постои врска меѓу зрачењето и квантитетот и квалитетот на сперматозоиди. Со други зборови, мажите кои го носат телефонот во џеб имаат помалку сперматозоиди и многу од нив се оштетени.
Покрај тоа, психолозите предупредуваат дека зрачењето од мобилните телфони лошо влијае и на менталното здравје, вниманието, како и на сонот на адолесцентите.