Рускиот цртан филм „Маша и медо“ ја надмина по гледаност „Пепа прасе“ и „Патролни шепи“, со што се проби на првото место на листата на меѓународната агенција „Перот аналитикс“, објави Тас.
-Според светските истражувања, „Маша и медо“ стана број еден детско шоу во светот, ги надмина „Пепа прасе“, „Патролни шепи“ и „Улицата сезам“ – објавено е од руската компанија Анимакорд, која произведува анимирани филмови , а „Маша и медо“ е нивниот главен и најуспешен проект.
Рејтингот објавен од „Перот аналитикс“, ги вклучува најпопуларните цртани филмови во предучилишна возраст во светот.
Истражувањето се базира на повеќе од 10.000 детски емисии кои беа следени на аналитичката платформа и измерени со онлајн барања упатени до деца ширум светот.
„Маша и медо“ е преведен на 43 јазици, а според истражувачката куќа „Кидс глобал“, тој е еден од трите најпопуларни брендови за забава за деца во Европа, Блискиот Исток и Африка.
