Неверојатно е што може да направи љубовта кон автомобилите, знаењето и упорноста за само 10 години. Еден од најдобрите примери за напредок во автомобилскиот свет е дефинитивно хрватската компанија Rimac Automobili. Буквално од еден човек во гаражата, денес стана нова компанија, која го збогати својот назив со името на една од најлегендарните брендови на автомобили. Основана е Bugatti-Rimac d.o.o.
Луксузната спортска марка на Volkswagen, Porsche AG и хрватскиот производител на електрични хиперавтомобили Rimac Automobili објавија дека е потпишан заеднички проект, кој ќе се вика Bugatti-Rimac.
Ова значи дека хрватската компанија сега е мнозински сопственик на престижната марка VW Bugatti со удел од 55%, додека остатокот е во сопственост на Porsche AG. Ова само ги потврдува плановите наведени претходно оваа година.
Новата компанија наречена Bugatti-Rimac ќе биде лоцирана во Загреб и со неа ќе управува Мате Римац. Ова е исклучително важен и голем чекор за хрватската компанија, која за само 10 години напредуваше од еден човек во гаражата до основање нова компанија со една од најлегендарните брендови на автомобили и ја основаше Bugatti-Rimac d.o.o.
Шефот на Volkswagen, Херберт Дис, претходно објави дека Porsche најверојатно ќе склучи партнерство со Rimac, во кое е вклучен и Bugatti, каде Porsche ќе биде малцински сопственик.
„Ќе ја комбинираме исклучителната експертиза на Bugatti во правењето хиперавтомобили, со неверојатно иновативната моќ на Rimac во светот на електричните возила“, рече извршниот директор на Porsche, Оливер Блуме.
Истата куќа ќе произведе два модели на хиперавтомобили – Bugatti Chiron и целосно електричен Rimac Nevera. Новата компанија Bugatti-Rimac ќе има вкупно 430 вработени во Загреб и Молсхаим во Франција.
Мате Римац ќе го задржи оригиналниот удел во групацијата Rimac со 37%, Porsche со 24%, Hyundai Motor Group со 12% и други инвеститори со 27%.
Развојот, производството и снабдување со батерискии системи, погонски единици и други ЕВ компоненти за кои Rimac е познат и има доверба кај многу производители на автомобили, ќе бидат одделени во нова единица – Rimac Technology, која ќе биде во целосна сопственост на Групацијата Rimac.
Rimac Technology останува независна компанија која соработува со многу светски познати производители на автомобили.
Како извршен директор на групацијата Rimac, Мате Римац ќе ги предводи Bugatti-Rimac и новата дивизија на Rimac Technology.
„Групацијата Rimac ќе продолжи да прави хиперавтомобили, како и развој на системи и технологии за автомобилскиот сектор. Исто така, седиштето на компанијата Bugatti-Rimac навремено ќе биде пренесено во кампусот Rimac, каде што ќе биде сместен во центарот Rimac Technology“, велат од хрватската компанија.
