„OnePlus“ сега сака да влезе и на пазарот на таблети

„OnePlus“ е присутен на пазарот на телефони повеќе од осум години, а сега се чини дека компанијата работи и на својот таблет-уред. Сертификат од веб-страницата на „EUIPO“ открива дека „OnePlus“ сега го потврди името „OnePlus Pad“ за електронскиот уред.

„OnePlus“ е подружница на „BBK Electronics Corporation“, заедно со „Oppo“ и „Realme“. Претходно дознавме дека „Realme“ може да биде првиот од трите брендови што вклучуваат лаптопи и таблети во своето портфолио.

Повеќе детали за „OnePlus Pad“ може да се очекуваат во претстојниот период, а во меѓувреме компанијата продолжува да работи на нови телефони.

Деновиве се појавија некои информации за телефонот „OnePlus 9T“, кој ќе има систем со четири камери предводен од главниот сензор од 108MP. Исто така, системот за камери ќе се развива во соработка со „Hasselblad“.