Швајцарскиот банкарски гигант „UBS“ одлучи да им овозможи на дури две третини од своите вработени да работат трајно во хибридниот модел.
Причината е желбата „UBS“ да биде што е можно поконкурентна со американските банки, кои зазедоа многу поостар став.
Потегот на кредиторот го води извршниот директор Ралф Хамерс, рече лице кое побара да не се идентификува бидејќи информациите не се јавни. Банката е исто така посветена на обезбедување на персоналот со флексибилност на хибриден аранжман за работа заснован на улоги и локации, рече лицето.
Внатрешна анализа на банката покажува дека две третини од нејзината работна сила била на работни места погодни за хибридна работа, додека некои улоги, како што се трговци и персонал во филијали, ќе мора да работат од место, рече лицето. Не е утврден датум на враќање, изјавија добро информирани извори за „Bloomberg“.
Потегот на „UBS“ поставува силен контраст помеѓу швајцарскиот заемодавател и многу негови американски ривали. „Goldman Sachs“ бараа скоро сите вработени во САД да се пријават на своите работни места, „JPMorgan Chase & Co.“ бара од повеќето американски работници да започнат со редовни распореди во канцелариите на 6-ти јули, додека извршниот директор на „Morgan Stanley“, Џејмс Горман испукал предупредувачки „куршум“: „Ако можете да одите во ресторан во Њујорк, можете да дојдете во канцеларијата. Ве сакаме во канцеларија“.
