„Денови на Франција“ во Веро со автентични француски производи и специјални промоции

Врвно гастрономско доживување со автентични француски производи, како и славење на француската култура и стил на живеење се дел од понудата на „Денови на Франција“ кои Веро ги организира во своите маркети.

Почнувајќи од денеска (25 мај) па сѐ до 8 јуни, посетителите на Веро маркетите ќе уживаат во промоцијата на една од најценетите светски кујни од која произлегле бројни препознатливи специјалитети и која според специфичните начини за приготвување на храната е вистинска инспирација за останатите кујни во светот. Веро во следниот период нуди специјални цени и промоции на автентични производи од Франција, свежи француски печива, рафинирани сирења, врвни вина и шампањ, софистицирани десерти, но и на квалитетни препарати за нега и козметика за целосно доловување на парискиот стилски шик.   

– Првата асоцијација на Франција секогаш ни е добрата храна и прекрасното вино, проследени со убава музика и хедонистички пристап кон животот. „Деновите на Франција“ ги организираме со цел на потрошувачите да им ја доближиме културата на оваа земја, опуштениот стил на живот и врвното гастрономско уживање. Затоа и креиравме специјални понуди и промоции за големо задоволство на нашите потрошувачи. Во следниот период планираме да организираме уште неколку вакви настани преку кои ќе ги претставиме културите и на други земји и ќе им овозможиме потрошувачите да уживаат во нивните кујни и автентични производи – велат од менаџментот на Веро.

Двонеделниот настан „Денови на Франција“ во Веро е поддржан од Францускиот институт во Скопје.