28 март, 2024
ПочетнаКУЛТУРАОпра откри детали за расизмот во кралското семејство

Опра откри детали за расизмот во кралското семејство

Водителката Опра Винфри разговарала зад камерите со принцот Хари во врска со изјавата дека еден од членовите на кралското семејство во Велика Британија бил загрижен оти кожата на синот Арчи ќе биде премногу темна кога ќе се роди.

По интервјуто се појавија шпекулации за тоа кој од семејството би можел да биде расист, а Хари и’ кажал на Опра дека не станува збор за кралицата Елизабета, ниту за принцот Филип. Сепак, тој и неговата сопруга ветиле дека никогаш нема да откријат кој го рекол тоа за да ја заштитат таа личност.

„Хари не го откри идентитетот на лицето кое го кажало тоа, но сакаше да се осигура дека знам оти тоа не се неговите баба и дедо. Можете да видите дека се обидував да добијам одговор од нив додека беа вклучени камерите, но и додека тие беа исклучени“, изјави Опра по интервјуто.

Меган Маркл и принцот Хари го шокираа светот со своето интервју со Опра Винфри во кое тие ја раскажаа својата страна од приказната за животот на кралскиот двор во Велика Британија, што за нив бил неподнослив.

Меган обвини дека некои членови на кралското семејство биле загрижени дали бојата на кожата на нејзиниот и синот на Хари, Арчи, ќе биде премногу темна затоа што таа е мешана раса, а Хари е бел. Таа додаде дека на Арчи му е одземена титулата принц и 24-часовното обезбедување. Инаку, Меган и принцот Хари во интервјуто открија дека нивното второ дете ќе биде девојче и дека не можат да бидат повеќе благодарни за тоа. Тие додадоа дека две деца им се доволни.

НАЈНОВИ ВЕСТИ

ХОРОСКОП