Корејскиот производител претстави нов електричен модел, „Ioniq 5“, кој е базиран на концептот „Hyundai 45“.
„Hyundai“ на саемот во Франкфурт во 2019-та го претстави електричниот концепт „45“ кој претставуваше предвесник на првиот сериски автомобил на корејскиот бренд – моделот „Pony“ од 1975-та.
По неколку години дебитираше и сериската верзија која ја има ознаката „Ioniq 5“, a треба да се пофали „Hyundai“ кој во голема мера го задржа ретро, а во истовреме и модерниот дизајн на надворешноста на концептното возило, што не се случува така често во авто-индустријата.
Пред нас е сосема нов електричен хечбек, кој благодарејќи на погонот на електрична енергија им овозможи на кострукторите помеѓу предната и задната осовина да смести многу пространа патничка кабина.
Имено, „Ioniq 5“ има меѓуосовинско растојание од дури 3 метри, што е извондеден резултат ако се знае дека должината на возилото е само 4.635 mm. Дека станува збор за комфорен автомобил сведочи и податокот за ширината која изнесува 1.890 mm.
„Hyundai Ioniq 5“ e поставен на големи, 20-инчни аеродинамички оптимизирани алуминиумски бандажи, специјално конструирани за електричните автомобили.
„Hyundai Ioniq 5“ има уште неколку интересни детали, како што се кваките кои се вовлекуваат во вратите, што досега беше резервирано само за луксузните автомобили или електричните модели на „Teslа“, додека на некои светски пазари, каде што тоа со закон е дозволено, место надворешните ретровизори ќе бидат поставени мали камери насочени наназад.
Во повеќето земји од светот, автомобилот сепак ќе може да се нарача само со класични ретровизори, како овие што се прикажани на промотивните фотографии.
Кога станува збор за внатрешноста на автомобилот, „Ioniq 5“ има целосно рамен под благодарејќи на посебната механичка платформа на „Hyundai“ наменета за моделите на струја.
На тој начин, патниците ќе имаат максимален комфор, особено кога станува збор за нозете.
Покрај тоа, централната конзола со потпирачот за рацете и така што ќе може да се помеснува наназад и до 140 mm. „Hyundai“ тоа го истакнува како предност во тесните паркинг места, во случај возачот да мора да излезе од автомобилот од вратата на сувозачот, или обратно.
Купувачите на овој автомобил ќе се израдуваат и на прилично големиот багажник со зафатнина од 531 литар. Просторот за сместување ствари со навалување на задните седишта може да се зголеми до 1.600 литри.
„Ioniq 5“ има уште една предност во однос на моделите со конвенцијални погонски системи. Имено, под „хаубата“ се наоѓа дополнителен простор за поситни работи кој може да варира од 24 литри кај верзијата со погон на 4 тркала, до 57 литри во верзијата со погон на задните тркала.
„Кокпитот“ практично во целост е дигитализиран, па на команданата табла доминираат два 12-инчни екрани, од кои едниот е пред возачот и е замена за класичната инструмент табла, додека централниот се користи за мултимедијалниот систем на возилото.
Нешто слично решение досега можевме да забележиме кај новите модели на „Mercedes“.
„Hyundai“ на купувачите ќе им понуди две опции на погонски батерии, помала со капацитет од 58 kW, a како и поголема со 72,6 kWh (77,4 kWh кај моделите за американскиот пазар).
Верзијата со помала батерија и еден електричен мотор од 170 KS (125 kW) и 350 Nm е во состојба „Ioniq 5“ до „стотка“ да стигне за 8,5 секунди.
Доколку купувачите се одлучат за верзијата со два мотори и погон на 4 тркала, вкупната комбинирана моќ изнесува 235 KS (173 kW), a максималниот вртежен момент е 605 Nm, па вака возилото од 0 до 100 km/h зa 6,1 секунди.
Споменатите бројки се однесуваат само за опцијата со помала батерија. Ако купувачите ја изберат поголемата, во верзија со еден електромотор и заден погон „Hyundai Ioniq 5“ располага со 218 KS (160 kW) и 350 Nm, a возилото oд 0 дo „стотка“ стигнува за 7,4 секунди.
Најмоќната е онаа со батерија од 72,6 kWh, два мотори и погон на сите тркала. Овој автомобил има вкупно 306 „коња“ (225 kW) и забрзува до 100 km/h зa само 5,2 секунди.
Инаку, кај сите верзии на моделот „Ioniq 5“ максималната брзина е ограничена на 185 km/h.
„Hyundai“ не ги соопшти дефинитивните податоци за автономијата на движење, но истакнува дека во верзијата со заден погон и поголема батерија, „Ioniq 5“ може да мине до 480 km.
Со брз полач од 350 kW, батеријата од 10 дo 80% капацитет, може да се дополни за 18 минути. Доколку би се брза, доволно е на истиот полнач возилото да биде приклучено само 5 минути, со што се обезбедува возење од 100 km.
„Ioniq 5“ во европските продажни салони ќе пристигне во половината од оваа година, а цените дополните ќе бидат соопштени.
Како што се наведува, ова е само првиот во серијата нови „Hyundai“ модели на електрична енергија кои ќе се продаваат под ознаката на подбрендот „Ioniq“. Големиот „SUV“ модел, „Ioniq 7“ е планиран за 2024-та година.
