Навидум, работата е едноставна – само 15 до 20 минути на сонце ќе ви обезбедат доволно витамин Д за целиот ден.
Но, што да правиме во зима, кога сонцето е слабо или поради обврски сте спречени да излегувате во текот на денот.
Како да ги препознаете симптомите на недостаток на витамин Д?
Бидејќи овој витамин е клучен за одржување на имунитетот и правилниот метаболизам, многу е важно да ги препознаете знаците кои ви ги испраќа вашето тело.
Болки во коските
Витаминот Д го регулира метаболизмот на калциум и фосфат и е многу важен за одржување на цврсти и јаки коски. Во случај на недостаток на витамин Д, може да се појави болка во коските и тетивите. Во случај на екстремен недостаток на овој витамин, коските стануваат меки и склони кон кршење.
Физичка слабост
Да, физичка слабост. Една студија покажа дека мускулната слабост е сигурен показател за недостаток на витамин Д.
Замор и летаргија
Чувството на замор и летаргија се исто така знаци на недостаток на витамин Д. Голема американска студија докажа дека 77 проценти од пациентите со недостаток на витамин Д имаат постојано чувство на замор. Меѓутоа, кога нивото на витамин ќе се врати во нормала, заморот значително се намалува.
Депресија
Постои врска помеѓу недостатокот на витамин Д и депресијата. Едно истражување покажа дека групите со најголеми шанси за недостаток на витамин Д (постари лица, адолесценти, дебели, хронични пациенти…), исто така, имаат најголем ризик од депресија. Друга студија покажа дека во повеќето случаи, ако се чувствувате лошо расположени, а не ја знаете причината за тоа, виновник е недостатокот на витамин Д.
Грчеви во мускулите
Покрај чувството на слабост во мускулите, најверојатно ќе имате грчеви како дополнителен симптом. Иако е суптилен знак, тие можат да бидат навестување на недостаток на витамин Д.