Проектот „Titan“ за автомобил на технолошката компанија „Apple“ е една од можеби најдобро чуваните тајни. До неодамна се сметаше дека развојот е замрзнат, но неодамнешните информации потврдија дека се работи напорно на идниот електричен автомобил.
За многу кратко време, „Hyundai“ успеа да го прекрши непишаниот кодекс на тајност на „Apple“ потврдувајќи дека е во рана фаза на разговори со производителот на електроника за производство на „Apple Car“. Ова стана јасно откако корејското издание „Hankyung“ истакна дека „Hyundai“ е еден од производителите на автомобили, кој тврди дека е производен партнер на идниот електричен автомобил на Американците.
Иако се шушка дека информациите на „Hankyung“ се официјално потврдени од „Hyundai“, во официјалното соопштение, автомобилската компанија рече: „Ние разбираме дека „Apple“ разговара со некои глобални производители на автомобили, вклучувајќи го и „Hyundai Motor“. Но, бидејќи дискусиите се во многу рана фаза, сè уште ништо не е решено“.
Не е голема тајна или изненадување што „Apple“ може да го нарача својот автомобил: Американците можеби ја имаат технологијата, но немаат производствени капацитети за производство на нивниот електричен автомобил.
Бидејќи плановите на „Apple“ да лансира сопствен автомобил е да не го прават тоа сè до 2027-ма година, „Hyundai“ очигледно беше избрзан. Американците не брзаат да обезбедат партнер за производство и би можеле да размислат за тоа. Сепак, едно е јасно: производителот на телефони и компјутери е многу сериозен во врска со проектот „Titan“ и сака да вклучи голем производител на автомобили во него.
Коментари