Четири дена пред почетокот на снимањето на новиот филм „The Midnight Sky“, 59-годишниот Џорџ Клуни бил итно хоспитализиран поради силни болки во стомакот. На популарниот актер му е дијагностициран панкреатитис, воспаление на панкреасот кое често може да биде фатално.
Како што и самиот признал, актерот не се грижел за своето здравје. Имено, за улогата во новиот филм во кој тој глуми човек кој преживеал катастрофа, актерот изгубил скоро 13 килограми за кратко време и смета дека токму затоа завршил во болница.
“Мислам дека премногу брзо ослабев и не се грижев за своето здравје. Ми требаа неколку недели за за да се опоравам – рече тој.
За среќа, тој поминал само неколку дена во болнички кревет. Омилениот актер имал среќа да добие благо воспаление на панкреасот, во кое болното лице закрепнува за кратко време. Меѓутоа, потешка форма може да биде фатална. Имено, поради забрзаниот развој на влошување на ткивото, потешко заболеите завршуваат на одделот за интензивна нега, а исходот е често фатален.
