Откако привлече големо внимание во 2019 година, Facebook Libra наиде на низа потешкотии.
Станува збор за фактот дека компанијата пред извесно време објави нови моменти во рамките на овој проект, кои ја менуваат судбината на валутата Libra. Претходните потези, се чини, беа премногу амбициозни. Најновите извештаи покажуваат дека изменетата Libra конечно може да се појави во јануари 2021 година.
Нова криптовалута
Иако валутата на Facebook конечно можеше да ја види светлината на денот, и година и половина од нејзиното прво објавување, експертите посочуваат дека станува збор за ограничена верзија на она што првично го замислуваше компанијата. Имено, Libra требаше да лансира неколку дигитални монети, а се планираше некои од нив да претставуваат засебни физички валути, како што е американскиот долар. Компанијата сега планира само една валута – токму онаа што е поврзана со американскиот долар, но се истакнува дека дополнителните треба да излезат подоцна. Планот беше новата валута да донесе стабилност и да им се спротивстави на оние чија вредност вртоглаво расте.
Експертите претпоставуваат дека првичниот план бил напуштен поради бројните критики, а предност се дало на дигиталната паричка која е поврзана со физичкиот долар и затоа што претставува помала опасност од првично замислената Libra. На патот, Facebook остана без партнерите кои беа дел од проектот, на прво место PayPal, кој неодамна на својата платформа создаде место за поддршка на Биткоинот и другите големи криптовалути.
