Блаж Бродњак: За време на криза, банкарите се еден од најважните столбови на општеството

Во Словенија се одржа традиционалната конференција на денот на банкарите, каде учествуваат претставници на сите банки членки на Здружението на словенечки банки.

На традиционалната конференција на денот на банкарите во Словенија, одговорната општествена улога на банките беше во преден план. Според Блаж Бродњак, претседател на Надзорниот одбор на Здружението на словенечки банки и претседател на Управниот одбор на НЛБ Банка, тие може да се докажат, особено во кризи како што е моменталната.

Според Бродњак, мерките на патот кон закрепнувањето мора да се засноваат на целта на одржлив и општествено одговорен развој.

“За време на криза, банкарите се еден од најважните столбови на општеството како и дел од решението. Ние помагаме со одложување на плаќањата, обезбедување ликвидност и информативен капитал, а воедно и општествено одговорно однесување “, рече тој.

„Денешната состојба е од една страна криза, но од друга страна е исто така голема можност“, додаде тој.