Се чувствувате лошо, а симптомите што ги имате ве потсетуваат на Ковид-19, но тестот за коронавирус покажа дека сте негативни. Дали може тестот на Ковид-19 да биде погрешен?
Да, и тоа може да се случи. И PCR-тестовите и брзиот тест за антиген се точни кога станува збор за позитивна состојба, т.е. ако тестот вели дека сте позитивни на ковид, тогаш најверојатно е така. Но, понекогаш тестот може да биде и лажно негативен.
Постојат неколку причини зошто тестот може да биде лажно негативен.
А. Лицето се тестира пред да се соберат доволно вирусни честички во носните шуплини за да може да се открие тестот. Општо земено, повеќето луѓе кои се заразени со САРС-CoV-2 ќе добијат позитивен тест само неколку дена (па дури и една недела) по инфекцијата.
Б. Тестот за брис не е правилно применет и затоа не собрал доволно секрет од носните шуплини за да се постигне точен резултат.
Земениот примерок бил контаминиран.
В. Брис не се чувал на вистинската температура пред да се анализира.
Г. Хемикалиите користени во тестот не функционирале правилно.
Времето на тестирање се чини дека е особено важно. Набљудувајки го најчесто користениот вид на тест, а тоа е PCR тестот, истражувачите откриле дека тестот може да биде лажно негативен, дури 67 проценти во текот на првите четири дена од инфекцијата.
Што значат овие откритија?
Прво, ако сте биле тестирани со брз тест за антиген и резултатот бил негативен, пробајте и PCR-тест бидејќи е поточен во откривањето на вирусот. Второ, ако се чувствувате слаби, однесувајте се како да имате коронавирус, без оглед на тоа што ќе покаже тестот. Ова значи дека треба да се изолирате и да контактирате со вашиот лекар кој ќе ви ги објасни следните чекори.
Ако сте биле тестирани затоа што сте биле во близок контакт со лице кое било заразено од Ковид-19 и тестот е негативен, тоа не значи дека треба веднаш да го продолжите вашиот вообичаен начин на живот. Наместо тоа, треба да бидете тестирани повторно, по можност со PCR, и тоа за неколку дена, особено ако имате симптоми.
Од друга страна, ако сте биле тестирани од некоја друга причина, како на пример за да можете да патувате некаде, тогаш е многу веројатно дека сè е во ред и дека можете да продолжите со вашиот вообичаен начин на живот. Дефинитивно треба да се придржувате до пропишаните мерки, кои вклучуваат носење маска, редовно миење на рацете и физичко дистанцирање.
