„Соул“ оди директно во стриминг-сервисот „Дизни плус“

Новиот анимиран филм на „Пиксар“, „Соул“, кој требаше да се појави во кината во ноември, наместо тоа ќе дебитира на стриминг-сервисот „Дизни плус“ на Божиќ, соопшти „Волт Дизни ко“ во четвртокот.

Анимираната комедија ќе игра во киносалите само на пазарите каде што „Дизни плус“ не е достапен во моментов или нема да биде наскоро, се вели во соопштението на компанијата.

Дизни тестира нови начини за објавување филмови во прв план, додека пандемијата на коронавирусот ја ограничува посетеноста во кината, особено во САД. Компанијата се обидува да привлече повеќе клиенти во „Дизни плус“, кој има регистрирано повеќе од 60 милиони претплатници ширум светот.