29 март, 2024
ПочетнаАВТОБИЗ„Audi“ ги покажа новите „S3 Sportback“ и „S3 Sedan“ (ФОТО)

„Audi“ ги покажа новите „S3 Sportback“ и „S3 Sedan“ (ФОТО)

Компанијата од Инглоштад минатата недела ги претстави спортските верзии на своите два компактни модели.

Новата генерација на „Audi A3 Sportback“ и „A3 Sedan“ ги доби своите „S“ верзии, кој веќе на прв поглед се разликуваат од регуларните „тројки“ по агресивниот дизајн на надворешноста.

Сепак, тоа што им е најважно на купувачите на овие „Ѕ“ модели се крие под хаубата.

Станува збор за 4-цилиндарски 2.0-литарски турбо-бензинец со 310 KS (228 kW) и 400 Nm максимален вртежен момент.

Моќта кај двата модели се пренесува на сите 4 тркала со помош на 7-брзински „S Tronic“ автоматски менувач и „Quattro“ погон.

Од место до „стотка“, „Audi S3 Sportback“ и „S3 Sedan“ забрзуваат за само 4,8 секунди, пред да ја достигнат максимално ограничената брзина од 250 km/h.

„S“ верзиите на двата компактни модели на „Audi“ имаат за 15mm пониска суспензија во одност на стандардните модели, а фабрички се испорачуваат со 18- инчни алуминиумски бандажи, додека „деветнаестките“ се достапни како дополнителна опција.

Меѓу опциите се и „LED“ фарови со 15 индивидувални „LED“ сегменти во секој.

Оние кои сакаат да потрошат повеќе пари на својот „Ѕ3“ можат да порачаат и „S Sport“ систем за суспензија.

„Audi S3 Sportback“ и „S3 Sedan“ ќе пристигнат во европските продажни салони до крајот на август, а првите испораки на купувачите се најавени за октомври.

„S3 Sportback“ во Германија ќе чини од 46.302 eвра, додека за „Sedan“ се потребни од 47.179 eвра.

НАЈНОВИ ВЕСТИ

ХОРОСКОП