Откако ја претстави екстремната „Black Series“ верзија, „Mercedes“ направи подобрувања и на основната верзија на својот суперспортски автомобил.
Основната верзија „Mercedes-AMG GT“, ако за модел со преку 500 ks воопшто може да се употреби тој израз, го задржа 4.0-литарскиот твин-турбо V8, но моторот си доби дополнителни 54 коњски сили, па сега произведува 530 ks.
Овој аграгат се користи и во „Coupe“ и „Roadster“ верзиите, а германскиот производител во истовреме ја укина и „GT S“ верзијата.
Па така гамата на „GT“ моделите сега ги опфаќа: „AMG GT“, „AMG GT C“, „AMG GT R“, „AMG GT R Pro“ и „AMG GT R Black Series“.
Подобрениот „Mercedes-AMG GT“ веќе може да се нарача во Европа по цена од 119.079 eвра, колку што чини „Coupe“ верзијата, oдносно за 130.679 eвра, колку што купувачите треба да дадат за „Roadster“.
