„Airbus SE“ објави дека го намалува производството на авиони со широка каросерија, откако во второто тримесечје објави нето загуба од 1,44 милијарди евра, пренесува „Bloomberg“.
Најголемиот светски производител на авиони сега ќе има за цел да произведе месечно по пет примероци од А350, наместо шесте во април, се вели во соопштението на компанијата.
„Airbus“ објави пад на приходите од 55% на 8,32 милијарди евра. Аналитичарите очекуваа приходот од продажба да достигне 8,31 милијарди евра, според просечната проценка дадена од „FactSet“.
Компанијата испорачала 74 авиони во текот на кварталот, кога слетале повеќето достапни авиони во светот. Ова е скоро третина помалку од испораките остварени во претходната година.
Бидејќи патувањето се очекува да остане под нивото од 2019-та до 2024-та година, компанијата соопшти дека има за цел да ги ограничи готовинските текови во втората половина од годината.
„Влијанието на пандемијата Ковид-19 врз нашите финансии е веќе многу видливо“, рече извршниот директор на „Airbus“, Гијом Фори, додавајќи: „Ние го калибриравме бизнисот за да се соочи со новото опкружување на пазарот“.
На почетокот на јули, „Airbus“ објави дека не успеал да обезбеди нови нарачки за авиони веќе трет месец по ред. Кон крајот на јуни, компанијата соопшти дека планира да скрати скоро 15.000 работни места, вклучително и 900 во Германија, велејќи дека иднината на компанијата е ставена на тест од пандемијата на коронавирусот што ја потресе индустријата во последните неколку месеци.
Најголемата авионска групација во Европа ќе елиминира околу 5.000 работни места во Франција, 5.100 во Германија, 900 во Шпанија, 1.700 во Велика Британија и уште 1.300 во други земји.
